Ekimen berri bat antolatu dute Aiaraldeko kirol eta osasun zentroek. San Silvestre ‘Belatza’ izena jarri diote ekimenari, abenduaren 31n (San Silvestre egunean) egingo baitute. CrossFit Gorobel kirol-gunean hasiko da 16:00etan, eta Laudioko Industriagunean barrena garatuko da.
CrossFit Gorobel arduratuko da, hain zuzen, ekimena antolatzeaz, eta Chok Dee Gym, Hajime Kirol Kluba eta Kiden zentroa izango ditu bidelagun. Amurrio Trail Taldeak eta Laudioko Txirrindulari Elkarteak ere parte hartuko dute ekimenean.
Kirola ikustaraztea izango da egitasmoaren xedea, osasunarentzako onuragarria den gauza bat dela aldarrikatzeko. Talde kirolean jarriko dute begirada, balio duelako “arrakastak eta akatsak partekatzeko, kidetasuna sortzeko eta konpromiso zein motibazio handiagoa izateko”.
Zirkuituaren nolakotasuna
Zirkuituak 2 kilometro izango ditu, eta running eta crossfit diziplinak uztartuko ditu. Izen ematea itxita dago dagoeneko. 4 pertsonako 14 talde arituko dira norgehiagokan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide