Abenduaren 31n azoka antolatu du Laudioko Basalarrina elkarteak. Udalaren laguntza jaso dute horretarako, eta goiz osoan zehar luzatuko dute ekimena.
Basalarrinak antolatu du ekimena, baserritar eta artisauei bultzada emateko
10:00etatik aurrera egongo dira baserritar eta artisauen postuak martxan. 12:30ean, bertsolariek girotuko dute eremua. Hain zuzen, Izar Mendiguren laudioarra eta Oihane Perea zalduondoarra arituko dira kantuan.
Abenduaren 24an ere azoka antolatu zuten Basalarrinako kideek. Modu horretan eman zioten amaiera, besteak beste, gabonetako marrazki lehiaketari. Gainera, herriko plazako zutabeetan jarri zituzten irudi guztiak ikusgai.
Antolatzaileek adierazi zutenez, 400 lan inguru bildu zituzten, eskoletako haurren parte hartzeari esker.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
