ZOZKETA

Urtarrilaren 23an Faktorian 'Agur eta Dolore' antzezlana ikusteko sarrera bikoiz baten zozketa

Miren Gaztañaga eta Iraia Elias dira obrako aktoreak. / Kulturklik

Urtarrilaren 23an izango da Miren Gaztañaga eta Iraia Eliasen antzezlan umoretsua. Sarrerak salgai daude jada Faktoriako webgunean. Zozketa urtarrilaren 21ean egingo da, hemen izena ematen dutenen artean.

Agur eta Dolore antzerki obra taularatuko dute datorren asteko igandean -urtarrilak 23- Miren Gaztañaga eta Iraia Elias aktore ezagunek. Amancay Gaztañagak zuzendutako lana da, eta Bilboko Pabellon 6 espazioaren euskarazko antzerki obra labur onenaren Kriseilu Saria jaso zuen 2018an

Miren Gaztañaga eta Iraia Elias aktore ezagunak dira protagonistak, eta Amancay Gaztañaga da zuzendaria

'Antzerkia eta txokolatea' zikloaren baitan eskainiko dute  Agur eta Dolore ikuskizuna. Aiaraldea Komunikabideak sarrera bikoitz bat zozkatuko du erabiltzaileen artean urtarrilaren 21ean, ostiralean, 12:00etan. Interesdunek sarrera erosteko aukera dute jada, Faktoriako webgunean. Bazkideentzat 5 eurokoa izango da sarrera, eta gainontzekoentzat 7 eurokoa. 

Antzerkia ez da izango urtarrilean zehar Aiaraldea Ekintzen Faktorian egongo den jarduera bakarra. Izan ere, hilaren 28an, Korrikako "Uhinak" dokumentala aurkeztuko du AEK-k bertan. 20:30ean izango da ekitaldia. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide