Kepa Sojok eta Sonia Palaciosek zuzenduko dute Gasteizko nazioarteko zinema jaialdia

Jaialdia aurkeztu dute dagoeneko. / Vital Fundazioa

ICOFF Gasteiz zinema jaialdiak nazioarteko film laburrak ekarriko ditu Arabako hiriburura. Horietako batzuk Oscar sarietan edo Canneseko jaialdian egondakoak izango dira.

Kepa Sojo eta Sonia Palacios ICOFF Gasteiz zinema jaialdia prestatzen ari dira dagoeneko. Sojok adierazi dio Aiaraldea Komunikabideari egitasmoaren ezaugarri bereziena dela nazioarteko proiektua izango dela: "Aurten antolakuntzakook ari gara hautatzen eskainiko diren nazioarteko film laburrak. Oscar sarietan edota Canneseko jaialdian egon dira batzuk. Munduko pelikula onenak proiektatu nahi ditugu, baina tokiko sortzaileak ahaztu gabe".

Edonola ere, nazioarteko lehiaketa hurrengo urtean hasiko da. Izan ere, aurten Espainiako Estatuko izaera izango du eta sari bereziak egongo dira euskal filmeentzat, euskaraz egindakoentzat eta Araban ekoiztutakoentzat.

Jadanik pelikulak jasotzen ari dira eta lanak bidaltzeko epea otsailaren 18an amaituko da. Berez, jaialdia apirilaren 4tik 9ra bitartean egingo dute eta zinema ez ezik, bestelako eskaintza landuko dute. Kepa Sojok iragarri du master-classak antolatuko dituztela eta amaiera ekitaldia umoreari lotuta egongo dela. Edonola ere, martxoaren amaierara arte itxaron beharko da egitarau osoa ezagutzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide