Auto batek gazte bat harrapatu du Laudioko Nerbioi kalean

Aimar Gutierrez Bidarte 2022ko otsailaren 23a
Deskargatu Info Ahotsak :

Autoaren kristalaren aurka jo du gazteak. / Aiaraldea.eus

Gaur eguerdian jazo da ezbeharra Laudioko Nerbioi kalean, Zuhaitza liburu dendaren aurrean. Gaztea Galdakaoko ospitalera eraman dute.

Istripua gertatu da gaur eguerdian Laudioko Nerbioi kalean, Zuhaitza liburu dendaren aurrean. Auto batek zebra bidea gurutzatzen ari zen gazte bat harrapatu du. Lekukoek Aiaraldea Komunikabiodeari jakinarazi diotenaren arabera, autoko kristalaren aurka jo du gazteak, eta kolpea handia izan da.

Udaltzaingoa eta suhiltzaileak bertaratu dira istripua gertatu den lekura. Harrapatutako gaztea Galdakaoko ospitalera eraman dute. Aiaraldea Komunikabideak jakin duenez, gaztea kontziente aurkitzen da, baina oso minduta dago

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide