Sanrokeak antolatzeko asmoa daukala adierazi du Laudioko Udalak

Aitor Aspuru Saez 2022ko otsailaren 24a
Deskargatu Info Ahotsak :

Laudioko Udalak San Roke Jaiak berriro ospatzeko asmoa zabaldu du./ Aiaraldea.eus

Otsailaren 16an jai eragileekin batu zen udala eta azaldu zien pandemiaren bilakaera ikusita, herriko jaiak antolatu nahi dituela.

Bi urtez San Roke Jaiak ospatu gabe egon ondoren, Laudioko Udalak atea ireki dio abuztuan ospakizunak egiteari: "Pandemiaren egungo bilakaeraren aurrean, eta beherako bidean jarraituko duenaren uste sendoa izanda, abuztuan 2022ko Sanrokeak antolatzea aurreikusten du Laudioko Udalak".

Edonola ere, tokiko erakundeak ez du egitaraua osatu: "Oraindik zehazteko daude ekintzak, unean uneko egoerara egokituko dira, agintari eskudunek ezarritako gomendio guztiak errespetatuz".

Eragileekin bilera

Udalak berak argitu du otsailaren 16an batzarra egin zuela jaien esparruan aritzen diren eragileekin, eta ideiak harrera ona izan zuela. Gauzak horrela, berriro elkartuko dira ekarpenak jasotzeko: "Erantzuna positiboa izan zen, eta bigarren topaketa bat egingo da, jai arloko taldeen eta eragileen ekarpenak, ideiak eta asmoak biltzen jarraitzeko".

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide