Urieta mendira txangoa egin zuten larunbatean Goikogane Mendi Taldeko eskola kiroleko kideek. Tologorrira joatea zen euren hasierako asmoa, baina plan aldaketa egin zuten azken momentuan, haurrentzat arriskutsua izan zitekeela pentsatuta.
Ibilbide zirkularra egin zuten Angulo mendatetik. 9,4 kilometro egin zituzten guztira, 542 metrotako desnibelarekin. “Eguna hotz argitu bazen ere, azkenean egun eguzkitsua izan genuen”, azaldu dute taldeko kideek sare sozialetan, “ibilbidean zehar, San Migueleko ur-jauzia eta otso-zuloaz gozatzeko aukera izan genuen eta gainera, fosil batzuk aurkitu genituen”.
Argazkiak: Goikogane Mendi Taldea
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.