Filma labur berri bat prestatzen ari da Luis Vil zinemagilea. Relaciones de poder da proiektuaren izenburua eta, tituluak iradokitzen duen bezala, boterea izango du ardatz. Foucault filosofoak botereari buruz eginiko hausnarketak hartu ditu Vilek inspirazio iturri bezala. Azaldu duenez, klase sozial altuetako zein baxuetako pertsonaiak izango ditu filmak, baina protagonista bakarra egongo da: boterea.
JEZ eszenatoki
Pelikularen gidoia amaitu berri du Vilek, eta grabaketak prestatzeari ekin dio dagoeneko. Lotuta ditu dagoeneko lokalizazio konplexuenak.
JEZ lantegia da horietako bat. Vilek bertan egiten du lan, eta toki egokia iruditu zaio filmeko hainbat eszena grabatzeko. Bere lankide batzuk ere agertuko kamara aurrean.
Ibilbide luzea
Musikari gisa hasi zuen bere sorkuntza prozesua Vilek, baina zinemagintzan ere murgildu zen duela 10 urte baino gehiago. Ordutik hona hainbat filma labur eta bideoklip grabatu ditu, Aiaraldean gehienak. 2015ean plazaratu zuen bere lehen filma luzea (eta, momentuz, bakarra): Escisión. Ibilbide luzea egin zuen pelikula horrek zinema jaialdietatik. Berlinaleko azokan egon zen, besteak beste.