Elkarretaratzeak burutu dituzte Laudio Ikastolan, Ipar Euskal Herrian ere "azterketak euskaraz egin daitezen"

Aimar Gutierrez Bidarte 2022ko mar. 4a, 18:00
Laudio Ikastolan ere bat egin dute Ipar Euskal Herriko ikasleen aldarrikapenekin. / Aiaraldea.eus

Iparraldeko ikasleek azterketak euskaraz egiteko duten eskubidearen alde mobilizatu dira Euskal Herriko Ikastoletan. Laudio Ikastolako ikasle, irakasle eta langileak ere batu dira ekimenera.

Euskal Herriko Ikastolen Elkarteak, Seaska Ipar Euskal Herriko Ikastolen Federazioak eta Azterketak Euskaraz! kolektiboak mobilizazio eguna antolatu dute gaur -martxoak 4- iparraldeko ikasleek azterketak euskaraz egiteko duten eskubidearen alde. Laudio Ikastolan ere mobilizatu dira iparraldeko ikasle euskaldunen alde. 

Adierazi dutenez, iparraldeko ikasleek ez dakite oraindik baxoa eta brebeta azterketak euskaraz egiterik izango duten ikasturte honetan. Frantziako Hezkuntza Ministerioaren jarrera salatu dute. Izan ere, hezkuntza instituzioek abenduan argitaratutako zirkular batek proba akademiko batzuk euskaraz egiteko eskubidea aitortu arren, azken hilabeteetan ez da  inolako aurrerapausorik egin bide horretan, eta Ipar Euskal Herriko euskal komunitatea "atzerakada baten beldur da".

Bereziki jendetsuak izan dira Iparraldeko 32 Ikastoletan egindako mobilizazioak. Ikasleek kantuan aldarrikatu dute azterketak euskaraz egiteko eskubidea, Baionako Etxepare Lizeoan, besteak beste:

Hezkuntza Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide