Trebiñu Araba izateko plataforma aurkeztu zenuten iragan larunbatean...
Bai, berriro berpiztu da sentimendua, egoera txarrak pasata pandemiarekin, eta nahikoa dela esan dugu herritarrok.
Zein da Trebiñuren egoera administratiboa, egun?
Zerbitzu gabeziak pairatzen digutu egunero, arlo guztietan: osasunean, hezkuntzan, zerbitzu sozialetan, errepideetan... Hainbeste disfuntzio dago non ezinezkoa den guztien zerrenda zehatza egitea.
"Zerbitzu gabeziak pairatzen digutu egunero, arlo guztietan: osasunean, hezkuntzan, zerbitzu sozialetan, errepideetan..."
Eta herritarren nahia, edo egoera soziala?
Herritarren nahia txorakeri hau desagertzea da. Trebiñu osoa Araban administratiboki sartzeko egin beharreko guztia egiteko prest gaude. Horretarako bai Gaztela eta Leoigo alderdi guztiak, zein Eusko Legebiltzarra lanean hasi behar dira.
Zer aldatuko litzateke Trebiñu Araba balitz administratiboki eta ofizialki?
Aldatu... dena ez egotea ez hemen edo han, hemen bakarrik (Araban). Finean, herritarron buruhausteak desagertzea.
Duela gutxi, hauteskundeetan parte hartze txikia egon zen. Zein bilakaera espero duzue?
Trebiñun %64,11 izan zen abstentzioa, Argantzunen %59,59 eta Burgosen %37,19. Gure interesekin zerikusirik ez duten hauteskunde batzuetarako deialdia egin digute.
Plataforma sortu eta aurkeztu berri duzue. Zein helburu eta ibilbide dituzue esku artean?
Momentuz jendea batzea eta denok bide beretik jotzea da, eta ekintza kultural zein sozialak egitea bai konderrian eta baita Arabako herrietan ere.
Zentzu horretan, zein mezu zabaldu nahiko zeniokete jendarteari?
Guztion lana, guztiontzat emaitza bakarra! Herriaren ahotsa eta nahia entzun behar da, behin betiko: Trebiñu Araba da.
