Laudio Atletismo Kluba, Etxebarriko lasterketan bigarren sailkatu

Izar Mendiguren Cosgaya 2022ko martxoaren 15a
Deskargatu Info Ahotsak :

Etxebarriko lasterketan bigarren sailkatu zen Laudioko taldea. / L.A. T

Etxebarriko lasterketan taldekako bigarren postua lortu zuen Laudio Atletismo Klubak. Horrez gain, atleta gazteek euren markak hobetu zituten Ellakuriko pistetan.

Asteburu borobila izan du Laudio Atletismo Klubak. Eskola kiroleko lasterkariek euren markak hobetu zituzten larunbatean, altuera jauzian, 500 metrotako modalitatean eta 150 metrokoan. Igandean, aldiz, federatuen atleta lehiaren lekuko izan zen Ellakuriko pista. "Gaina hartu zuten, gainera". Hala zehaztu dute, behintzat, sare sozialetan. Argazki bilduma ere zabaldu dute klubaren Facebook kontuan. 

May be an image of 4 pertsona, people standing eta aire zabalean

Horrez gain, Etxebarriko 10 kilometroko lasterketan taldekako bigarren postua lortu zuten laudioarrek. "Klub hau osatzen duten sekulako kirolariei esker, astez aste euren ibilerak kontatzen jarrai dezakegu", erantsi dute. 

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide