Asteazkenean gauean, Latiorro auzuneko Apaloetan norbaitek bi gurpil zulatu zizkion hango auzokide bati. "Arraroa da, 15 auto gehiago zeuden eta bakarrik zulatu dituzte nire gurpilak" azaldu dio Aiaraldea Komunikabideari ibilgailuaren jabeak.
Herritarrak ez daki zergatik gertatu den erasoa. "Oro har nire garajean uzten dut autoa eta justu egun horretan kalean aparkatu nuen. Bakarrik bururatzen zait norbaiti txarto iruditu zitzaiola" adierazi du. Edonola ere, gurpilak konpontzera eraman dituenean, tailerrean aipatu diote horrelako kasuak izaten ari direla garraiolarien grebaren testuinguruan.
Autoaren jabeak ez du momentuz salaketa jarri, eta Laudioko Udaltzaingoak ez du horrelako gertakarien berririk: "Behin jazotzen denean, jendeak ez du salatzen. Hain zuzen, salaketak egiten dituzte behin baino gehiagotan zulatzen dizkietenean gurpilak", azaldu du poliziak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
