Asteburu oparoa izan dute La Milagrosa Ikastetxeko kideek. Hezkuntza zentroaren mendeurrenaren ospakizunean murgilduta daude, eta horri begira antolat utako bi ekintza burutu dituzte ostirl eta larunbatean.
Alde batetik, Red de libertad filma proiektatu zuten Laudioalde lanbide heziketa ikastetxeko aretoan. Bi aldiz eskaini zuten pelikula, eta bietan izan zuten bidelagun ikus-entzunezko protagonista den Assumpta Serna aktorea. Grabaketaren nondik norakoak kontatu zituen Bartzelonako antzezleak, eta filmeko protagonistaren gaineko hainbat hausnarketa ere plazaratu zituen. Helena Studler erlijiosoaren istorioa kontatzen du lanak. II. Mundu Gerra Frantzian bizi izan zuen Studlerrek, eta nazien kontzentrazio esparruetako presoak askatzeko plan bat garatu zuen.
Ikasle ohien bazkaria, datorren asteburuan
Zinemaz gain, bazkaria ere izan zuten asteburuan La Milagrosako kideek. Urte hauetan guztietan egondako IGE batzarretako kideak bildu zituzten mahai beraren bueltan. Datorren astean gauza bera egingo dute ikasle ohiekin.
Argazkiak: Txabi Alvarado Bañares eta La Milagrosa ikastetxea
