Laudioko Udalak dozenaka ekintza antolatu ditu Kultudaberria egitarauaren barruan: haurrentzako jarduerak, dantzaldiak eta kontzertuak, besteak beste.
Itxialdiaren ostean egin bezala, Laudioko Udalak kultura programa antolatu du aurten ere. Kultudaberria da bere izena eta apirilean, maiatzean eta ekainean ekitaldi sorta ekarriko du. Zerrenda benetan luzea da, baina proposamenen artean, famatuenak dira Zopilotes Txirriaos, Kalakan eta Neomak taldeak. Gorka Aginagaldek ere El txou de Patxi bakarrizketa eskainiko du.
Artista famatu horiekin batera, tokiko sortzaileak ere arituko dira: Lankaietako Lagunak txistulariak, Laudioko Musika Banda, Itxarkundia Dantza Taldea...
Gainera, generoko emanaldiak ere egongo dira, boleroak edota rantxerak entzuteko.
Azkenik, ume eta gazteentzako eskaintza ere prestatu du tokiko erakundeak. Esaterako, gaur Oihan Vegak Ipuin Dantza eramango du Aldai plazara.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
