Laudio Basabideak proiektua aurkeztu dute gaur goizean Arraño mendian. 42 kilometroko eraztun berdeak udalerriko ingurune natural eta kulturalak lotzen ditu, bisitari eta herritarrei hauetaz gozatzeko ibilbideak proposatuz.
Ander Larrinaga estrategia eta hiri-garapen zinegotziak nabarmendu duenez, Laudioko ingurune naturala balioan jartzea da proiektuaren helburua. Ibilbide guztiek Lamuza Parkea izango dute abiapuntu, eta pertsona orori egokituak egongo dira.
Behin proiektua aurkeztuta, bideen seinalizazioa abiatuko dute aurki. Horretarako 20.000 euroko inbertsioa egingo du tokiko erakundeak, eta besteak beste, Arabako Mendi Federazioarekin ari da lankidetzan eraztun berdea bidezidor homologatuen katalogoan sartzeko, ibilbide txiki (PR) bezala.
Larrinagak udan aurreikusi du proiektua bere osotasunean egikaritzea, baina aurreratu du honezkero eraztun berdeaz gozatzeko aukera dagoela. Hain zuzen ere, Laudioko Udaleko webgunean eskegiko dituzte ibilbideak jarraitzeko track-ak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide