Italian daude Laudio BHIko 10 ikasle eta bi irakasle, Eramus+ programari esker

Italiara joan diren ikasleak, institutuan atondu duten ortuan. / Aiaraldea.eus

Garapen jasangarriari lotuta garatzen ari diren proiektuak elkarbanatuko dituzte bertan, Europako beste ikastetxe batzuetako kideekin. 

Italiako Mantua hirian daude uneotan Laudio BHIko 10 ikasle eta bi irakasle, Erasmus+ programaren bidez. Astebete egongo dira bertan, Europako beste hiru ikastetxetako kideekin: Lituaniako Šilutės Martyno Jankaus pagrindinė mokykla (Silute herrian kokatuta dagoena), Greziako Trikala herriko 7th High School of Trikala eta Italiako Mantova herriko I.C. San Giorgio di Mantova.

“Ikastetxe bakoitzak bere proiektua du, guztiak garapen jasangarriaren inguruan elkarri laguntzeko, irakatsi eta ikasteko”, azaldu dute Laudioko hezkuntza zentroko kideek. Euren proiektuak Click on Sustainability du izena. Egitasmo horren bidez, ortu bat atondu dute institutuko patioan, besteak beste. 

Gainontzeko ikastetxeen proiektuen ardatzak, aldiz, hauek dira:

  • Carpaneta basoa (Lombardiar zonaldiaren lur eta haranetako hamar baso handienetako bat da).
  • Mincio ibaia eta ekosistema.
  • Veneziako aintzira eta uholdeetatik babesteko duten sistema. 
  • Laborantza hidroponikoa (elikagaiak lantzeko lurra erabat alde batera uzten duena). 

Proiektu horiek guztiek hainbat helburu dituzte: “jasangarriaren garrantziaz ohartzea, teknologia berrietan gaitasunak aberastea (tour geolokalizatua sortuz), ingelesez hitz egitea eta gizarte-trebetasunak garatzea”. 

Proiektuaz lantzeaz gain, inguruan dauden “leku berezi eta bitxiak” ere bisitatuko dituzte ikasleek: “Verona eta Venezia hiriak, Mantuako Palazzo Ducale eta Palazzo Te eta Grana Padano gazta fabrika”. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide