Andaluziarrek eskualdean ere ospatuko dute 'Apirileko azoka'. Hain zuzen, Laudioko Andaluziar Etxeak berreskuratu du jaia, etenaldia egon baita koronabirusak eragindako pandemia dela-eta. Eguerdian hasiko dira ekintzak, eta gauera arte luzatuko da egitaraua.
13:30ean emango diote hasiera feriari, Aldai plazan. Egun osoan zehar rumba zein sevillar dantzak egongo dira, aurreratu dutenez. Ildo beretik,andaluziar jantziekin bertaratzeko deia luzatu dute. Gainera, jantzirik onena sarituko dute iluntzean, urdaiazpiko zozketarekin batera.
Horrez gain, flashmoba ere antolatu dute bazkalaurretik; hots, 13:45ean. Jarraian, herri bazkariari ekingo diote. Txartelak Andaluziar Etxean egongo dira salgai: 10€ balioko dute umeentzako sarrerek, eta 16€ helduentzakoak.
Arratsaldean, aldiz, bingoa eta kontzertua izango dira nagusi. Lehenbiziko ekintza -hau da, bingoa- 16:00etan hasiko da, eta musika jaialdia 19:00etan. Talde gonbidatua Los Carcianos izango da aurtengoan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.JPG)