Maiatzaren 14an, larunbata, Espaniako Estatuan herri galdeketa gauzatuko dute jakiteko herritarrek nahiago duten monarkia edo errepublika eredua. Estatuko Errepublikaren Aldeko Plataformak antolatu du egitasmoa eta Araban ere izango du isla.
Hain zuzen, esparru arabarrean bost tokitan jarriko dituzte mahaiak boza emateko; lau Gasteizen egongo dira eta bosgarrena, aldiz, Laudion. Zehazki, Lamuza plazan egongo da kokalekua eta 11:00etan abiatuko da bozketa epea, 15:00etan bukatzeko.
Antolatzaileek adierazi dute jakin badakitela galdeketaren emaitzak ez direla lotesleak izango, baina adierazpidetzat jo dute ekimena. Izan ere, erabakitzeko eskubidea ezinbestekotzat jo dute eta azpimarratu dute 1978ko konstituzioko bozketan egun bizi den jende askok ez zuela parte hartu. Horrez gain, nabarmendu dute hitzordu horretan ez zela errepublika eta monarkia artean hautatzeko aukera eskaini.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
