Sugarrak Weekend ospatuko dute maiatzaren 28an eta 29an Laudioko udal kiroldegian, klubaren jaia. Bi egun horietan klubeko talde guztiek jolastuko dute. Larunbatean 9:30ean mutilen kimuek eta nesken benjaminek jokatuko dute, 11:00etan nesken kimuek eta mutilen benjaminek eta 12:30ean nesken eta mutilen haur taldeek neurtuko dituzte indarrak.
Final Four
Arratsaldean Arabako Junior kategoriako 1. mailako Final Fourra hasiko da. Sugarrakeko taldeak lortu du finalerdietan sartzea, eta ez da erronka erraza izan.
Junior taldeak Final Fourra jokatuko du Sugarrak Weekend ekimenaren erdian
Berez, abenduan Arabako Junior kategoriako 2. mailako txapeldunak izan ziren eta igoera lortu zuten horrela. Nahiz eta berriak izan 1. mailan, laudioarrek laugarren postua eskuratu dute ligaxkan eta Final Fourra etxean jokatuko dute. Alegia, 18:00etan izango da partida Araberriren kontra. Garaipena lortuz gero, finala izango lukete igandean.
Aipatzekoa da nesken Junior taldeak ere lortu zuela Arabako Final Fourrean egotea.
Igandean
Igande goizean jarraituko dute Sugarrakeko taldeen arteko lehiek. 10:00etan nesken junior taldeak jokatuko du, 12:00etan nesken kadeteek eta 16:00etan senior kategoriako gizonezkoak eta emakumezkoak egongo dira aurrez aurre.
18:00etan helduko da asteburuko korolarioa, Final Fourreko finalarekin.
Aipatutakoaz gain, zozketak eta urdaiazpikoaren saskia ere antolatuko dituzte.