Nazio Batuen Erakundeak Beiraren Urtea izendatu du aurtengo 2022. urtea. Testuinguru horretan 'Beriak senidetutako herrien sarera' batu da Laudio, Espainiar Estatuko beste 50 udalerrirekin batera. Egitasmoak beiraren industriara lotuta dauden herrien arteko elkartasun sinbolikoa adieraztea du helburu.
Astelehenean egindako ekitaldian jaso zuen aitortza Laudiok. bertan hartu zuten parte Udal Ordezkariek, Oskar Argote Vidrala enpresako salmenta arduradunak, Josu basauri Tarabeira enpresako kudeatzaileak eta Oskar Acedo Ecovidrioko kudeatzaileak. Beiraren birziklapen gaitasuna jarri zuten balioan. Izan ere, nahi beste aldiz birziklatu daitekeen materiala da, eta horregatik nabarmendu zuten birziklatze-kateak sustatzeko beharra. Araban, %87koa da material honen birziklapen tasa. Aiarako Kuadrillan ere birziklapen datu oso onak daudela azaldu zuen Ander Añibarrok.
Laudio, zero kilometro
Ekimenaren sustatzaileek balioan jarri zuten Laudiok beiraren industrian duen kokapen estrategikoa. "Oso udalerri gutxi daude, Laudioren tamainakoak, non beira birziklatzeko zein ekoizteko azpiegiturak dituzten", azaldu zuen Oskar Acedok.
Bide beretik jo zuen Ander Añibarro Laudioko alkateak ere: "Laudio udalerri erreferentea bilakatu nahi dugu beiraren industrian". Alde horretatik Foru Aldundiarekin eta Jaurlaritzarekin gauzatzen ari diren Laudio Glass Hub proiektua goraipatu zuten. "Herritar asko beirari lotuak bizi izan dira -gogorarazi zuen Añibarrok- "aitortza hau haiena ere bada".
