ARGAZKIAK

Geurea futbol ligaren finala jokatu dute, buru osasunaren alde

Aimar Gutierrez Bidarte 2022ko ekainaren 10a
Deskargatu Info Ahotsak :

Buru osasunaren aldeko Geurea areto futbol ligaren finala jokatu dute gaur goizean La Granja kiroldegian. Aurretik, lagun arteko partida izan dute La Milagrosako ikasleek Geurea ligako selekzioaren aurka.

Buru osasunaren aldeko areto-futboleko Geurea Ligak Laudion agurtu du aurtengo denboraldia. Finalaz gozatzera La Granja kiroldegira bertaratu dira txapelketan parte hartzen duten talde guztiek.

Aurtengo edizioko antolakuntzan ASASAM elkartea aritu da buru-belarri Osakidetzaren Buru Osasun Sarearen, Argia Fundazioaren, Eragintza Fundazioaren, AVIFES elkartearen eta Arrasateko San Juan de Dios ospitalearen laguntzarekin. Athletic Fundazioak ere bere alea jarri du txapelketan; hala nola, jokalariei ekipazioa eskainiz. Hain zuzen ere, Maria Angeles Arbaizagoitia ASASAMeko presidentearena izan da ohorezko sakea egitearen ardura.

Lagun arteko partida

Lagunarteko partida batekin hasi dute gaurko kirol-goiza. La Milagrosa ikastetxeko ikasleak Geurea Ligan parte hartzen duten jokalarien selekzioaren aurka aritu dira. Ikusle ugari bertaratu dira futbol partidez gozatzera, eta Irati Morales abeslariak kantuz girotu du kiroldegia.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide