BIDEOA

Laudioko Gaztetxearen huste aginduaren aurka protestan ari ziren gazteen aurka oldartu da Ertzaintza

Txabi Alvarado Bañares 2022ko eka. 13a, 16:45
Deskargatu Info Ahotsak :

Dozenaka gaztek ordubetez moztu dute Zumalakarregi etorbidea. Poliziak zenbait pertsona zauritu ditu. Horrez gain, bi kazetari identifikatu dituzte irudiak grabatzeagatik. Gaztetxeko kideek elkarretaratzea deitu dute gaur arratsalderako. 

Gaurko zegoen ezarria Laudioko Gaztetxearen aurkako huste agindua. Dozenaka lagun bildu dira gaur goizean gune autogestionatuaren sarreran, horren aurka protesta egiteko. Goizeko hamarrak arte egon dira bertan. Orduan, Lamuza kalera atera dira, eta kateekin itxi dituzte parkeko bi ateak. 

Errepidea moztu dute kideek. Institutu aurrean egon dira lehenbizi, eta Zumalakarregi etorbidera mugitu dira gero. Manifestariek ordubetez moztu dute herriko zain nagusia den bidea. Ertzaintza euren aurka oldartu da azkenean. Hainbat gazte zauritu dituzte poliziek, borrekin jota. 

Horrez gain, ertzainek gertatzen ari zena jasotzen ari ziren bi kazetari indentifikatu dituzte. Horrez gain, gazte bat mozal legearekin mehatxatu dute, kargaren unean irudiak grabatzeagatik. 

Elkarretaratzea arratsaldean

Gaztetxeko kideek azaldu dute elkarretaratzea egingo dutela arratsaldean, gertatutakoa salatzeko. 19:00etan jarri dute hitzordua, Herriko plazan:

Politika Laudio
Erlazionatuak
Gaurko dago ezarrita Laudioko gaztetxearen desalojoa
Gaurko dago ezarrita Laudioko gaztetxearen desalojoa

Txabi Alvarado Bañares 2022 eka 13 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide