Ia 4 milioi euro banatu ditu El Crucerok, Espainiako Loteriaren lehen saria lortuta

Ruben De Barrio eta Jon Mateos, xanpain botila irekitzen. / Aiaraldea.eus

60.000 euro banatu dituzte txartel bakoitzeko, eta Laudioko dendako lehiatilan saldu dituzte gehienak. 

Alaitasuna izan da nagusi gaur Laudioko El Crucero loteria-dendan. Horregatik, bertako bi langileek (Ruben De Barrio eta Jon Mateos) xanpain botila ireki dute komunikabideen aurrean. Ez da gutxiagorako, 3,9 milioi euro banatu baitituzte asteburuan. 

Larunbat goizean jaso zuten albistea. “Irratitik jarraitzen ari ginen Espainiako Loteriaren zozketa. Sari nagusira iristean konturatu ginen gure zenbakia -18.567- esaten ari zirela”, azaldu dio De Barriok Aiaraldea Komunikabideari. Orduan hasi ziren telefono deiak eta zorion mezuak, baina sarituetako asko gaur bertaratu dira. 

60.000 euro egokitu dira txartel bakoitzeko. “65 boleto banatu ditugu guztira. Hau da, ia lau milioi euro guztira. Horietako batzuk Gasteizko taberna batean saldu dira. Beste batzuk Ugaoko Batzokian, baina gehienak Laudion saldu ditugu, dendan bertan”. 

Honakoa ez da Nerbioi kaleko establezimenduan egokitu den lehen saria. “2017an osteguneko zozketa irabazi genuen, 6.000 euro izan ziren txartel bakoitzeko”.  

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide