Gazte bat atxilotu dute gaueko ordu txikitan, ertzainak iraintzeagatik

Gaztea atxilotu duten unea. / Aiaraldea.eus

05:00ak aldera izan da atxiloketa eta agintaritzaren kontrako erasoa leporatu dio poliziak gazteari.

Gazte bat atzeman dute gaur gauean Laudion, herrigunean kokatuta dagoen diskoteka batetik hurbil, 05:00ak aldera. Hala azaldu dio Ertzaintzako prentsa bulegoak Aiaraldea Komunikabideari.

Poliziak argitu du gazte talde batek bi agente iraindu dituela eta, hori dela medio, gizonezko bat atxilotu dutela. Agintaritzaren kontrako erasoa egotzi diote.

Gertakariaren lekuko bat jarri da harremanetan komunikabidearekin bere bertsioa eskaintzeko. Horren arabera, ertzain bi eta gazte kuadrilla bat eztabaidatzen ari ziren, eta giroa gaiztotzen joan zen. Gazteek poliziak inguratu dituzte eta ertzainak oldartu egin dira euren aurka, borrekin kolpatuta.

Hala ere, gazte asko zeudenez, atzera egin behar izan dute bi poliziek. Handik gutxira ertzaina eta udaltzain gehiago bertaratu dira. Orduan, gazteetako bat harrapatzea erabaki dute, baina horrek hanka egin du.

Hasieran, dirudienez, iskin egin du atxiloketa saiakera, atzean utzita uniformez eta kalez jantzitako hainbat ertzain (horietako bat lurrera erori da, kolpea jasota). Baina azkenean, poliziak gizonezkoa atzeman du.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide