Uztailaren 16 arte egongo da Areta Trail lasterketan online izena emateko aukera

Izar Mendiguren Cosgaya 2022ko ekainaren 28a
Deskargatu Info Ahotsak :

Areta Trail taldeak antolatzen du proba. / Aiaraldea.eus

Uztailaren 23an izango da Areta Trail proba. Egunean bertan ere eman ahalko da izena, baina 15€ balioko ditu inskripzioak. Aiaraldea Komunikabideak dortsal bat zozkatuko du erabiltzaileen artean.

Uztailaren 23an, larunbatean, izango da Areta Trail lasterketaren 4. edizioa. Ohi gisa, 12 kilometroko mendi zeharkaldia osatu beharko da, eta izen-ematea zabalik dago Sportmaniacs atarian. Antolatzaileek adierazi dutenez, ordea, uztailaren 16 arte egongo da webgunean apuntatzeko aukera. Denbora tarte horretan inskripzio fitxa betetzen dutenek 12€ ordaindu beharko dituzte. Egunean bertan ere egongo da gehitzeko aukera, baina 15€ balioko dute txartelek. 

Aiaraldea Komunikabideak dortsal bat zozkatuko du erabiltzaileen artean

Opari gisa, kamiseta eskuratuko dute lasterkariek. Gainera, 2€ bideratuko dituzte Pinpili Aisialdi Taldea laguntzera. Aiaraldea Komunikabideak dortsal bat zozkatuko du erabiltzaileen artean uztailaren 15ean, 12:00etan.  Horrez gain, ekimenaren babesleetako bat izanik, probaren jarraipen berezia egingo du webgunean eta sare sozialetan.

 

May be an image of Pertsona 1 eta testua

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide