Valentzian egon dira Laudio Tenis Klubeko gazteak azken egunetan. Andoni Agirretxe Sanchez entrenatzaileak Aiaraldea Komunikabideari adierazi dionez, entrenamenduak eta txapelketak uztartu dituzte: "4-5 orduz entrenatu dugu egunero, eta bi txapelketa jokatu dituzte gazteek. Lehenbiziko txapelketan 6 ume aritu dira, eta bigarrenean Kimuak bakarrik".
Ez dira ohiko partidak izan, ordea. Izan ere, lurralde anitzetako tenis jokalariekin aritu dira: "Rafa Nadal txapelketa izan da, zeinetan beste herrialde batzuetako umeekin jolastu duten: Estatu Batuetakoak, Errusiakoak...".
"Ez da kirol esperientzia soila izan, pertsonala ere; modu autonomoan egon direlako elkarbizitzen beste herrialdetako umeekin"
Agirretxe Sanchezen hitzetan, 7-8 egun igaro dituzte bertan, "Laudioren izena Valentziara eramaten". Ekimenaren inguruan, zeharo balorazio positiboa egin du: "Ez da kirol esperientzia soila izan, baita pertsonala ere; modu autonomoan egon direlako elkarbizitzen beste herrialdetako umeekin, lagunduta bada ere".