Mantentze-lanetako ofizial baten bila ari da Laudioko Udala, eta gaur amaituko da lan deialdira aurkezteko epea. Tokiko erakundeak lanaldi osoko kontratu mugagabea egingo dio hautatzen duten beharginari. Hiri eraikin eta hornikuntzen instalazioa eta mantentzea burutzea izango da langilearen egiteko nagusia.
Deialdira aurkezteko beharrezkoa izango da goi-mailako prestakuntza-zikloko titulua izatea ondorengo alorretako batean: industria mekatronika; mantentze elektrikoa, elektronikoa eta/edo mekanikoa; sistema elektroteknikoen, automatizatuen eta robotika industrialaren mantentze-lanak, telekomuniaziioen eta sistema informatikoen mantentze-lanak; edota baliokideak.
Horrez gain, B motako gidabaimena eta euskarazko 1. hizkuntza eskakizuna ere eskatzen dituzte. Gainera, beharrezkoa izango da Laudion erroldatua egotea, "edo 20 kilometroko erradioan gehienez".
Lanbideren bidez eman daiteke izena deialdian, hemen.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
