'Busti zaitez' jaiak esklerosi anizkoitza ikertzeko dirua bilduko du bihar

Aitor Aspuru Saez 2022ko uztailaren 15a

Iazko 'Busti zaitez' ekimenaren irudia. / Aiaraldea.eus

'Busti zaitez' ekimenaren edizio berria ospatuko dute bihar Laudion, Batzalarrin kalean. Musika, elkartasun pintxoak eta material salmenta egingo dute esklerosi anizkoitza ikertzeko dirua eskuratzeko.

'Busti zaitez' egitasmoaren 20. edizioa egingo dute bihar Laudion. Jebi Vales herritarrak antolatu du, aurreko edizioak bezala. Izan ere, Vales duela 20 urte batu zen ekimenera, "gaixo berria naizenetik", azaldu duenez.

Biharko egitarauari dagokionez, laudioarrak iragarri du "11:00etatik 15:00ak arte" egongo dela Batzalarrin kalean, "gutxi gorabehera". Printzipioz, musika jarriko dute eta elkartasun pintxoak eskainiko dituzte: "Sagardoan egositako txistorra edo txanpinoi pintxoak jan ahalko dira, norberak erabakitzen duen prezioan". Horrez gain, egitasmoaren material salmenta puntua egongo da ere: kamisetak, katiluak...

Halaber, Valesek azpimarratu du helburu ekonomikoa ez ezik, jendearentzako informazio puntua jartzea ere badela xedea: "Nahi duenak aukera izango du hurbiltzeko eta galdetzeko".

Batzen duten dirua Adembi elkartera bideratuko dute, esklerosi anizkoitzaren ikerketa finantzatzeko.

Osasuna Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide