Esklerosi anizkoitza ikertzearen aldeko aldarria, kalean berriz

Txabi Alvarado Bañares 2022ko uztailaren 16a
Deskargatu Info Ahotsak :

Postua jarri dute goizeko hamaiketan Batzalarrin kalean, eta arratsaldera arte egon dira pintxoak banatu eta kamiseta zein katiluak saltzen.

Esklerosi anizkoitza ikertzearen alde "busti" dira gaur Laudioko Batzalarrin kalean. Urteroko zitari jarraiki, postua jarri dute hainbat bizilagunek bertan, gaixotasun arraro horren inguruko informazioa jendarteratzeko.

Sagardoan egositako txistorra eta txanpinoi pintxoak eskaini dituzte bertan, eta jende ugari animatu da Kukuxumusuk diseinatutako kamisetak erostera. Adembi elkartera bideratuko dute bildutako diru guztia, esklerosi anizkoitzaren ikerketaren finantziazioan laguntzeko. Izan ere, gaixotasun sendaezina da gaur egun, eta bere jatorria ere ezezaguna da oraindik.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide