Uda mugitua izaten ari da honakoa Goiatz Dutorentzat. Laudioko musikariak makina bat kontzertu eskaini ditu dagoeneko Moonshine Wagon taldearekin. Azken hilabetean Urduñan, Arakaldon edota Luiaondon aritu da, eta baita Euskal Herriko zein atzerriko beste hainbat oholtzetan ere.
Orain, bi asteko geldialdia egingo du taldeak, baina Duttok ez du atsedenik hartuko. Dida batean antolatu du bere bakarkako lehen bira, Europan barrena. Belgikara joko du bihar, eta Holanda eta Ingalaterra ere bisitatuko ditu datozen hamar egunetan, orotara 10 emanaldi eskainiz.
Bere bakarkako lehen esperientzia izango da. Bibolina, gitarra eta mandolina izango ditu lanabes, eta looper-ak ere erabiliko ditu.
Esperientzia puntuala izango da honakoa, Duttok argi baitauka Moonshine Wagon dela bere proiektu nagusia. Hala ere, ez du baztertzen bakarka abesti propioak sortzeko aukera.
Hori guztia eta gehiago azaldu dio Aiaraldea Komunikabideari telefonoz eginiko elkarrizketan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide