Laudioko Gardeako kirolgunean padela izan da nagusi azken 3 egunetan. Izan ere, Laudio Padel Klubak txapelketa antolatu du abuztuaren 19tik 21era. Bi pista egonik, 18 bikotek soilik hartu ahal izan dute parte. Hala ere, torneoaz gain ligaxka ere osatu dute, beste hiru bikoteren artean norgehiagokak jokatzeko.
9:30etatik 21:30era etenik gabe egon dira padel partidak 2.5 egunez Gardeako pistetan, eta kirolari zein zaleen artean giro polita izan da nagusi
Ostiralean izan ziren sailkapen partidak, eta sei multzotako bikoteak lehen, bigarren edo hirugarren kategoriara pasa ziren horrela. Larunbatean erabaki ziren finalerdiak eta finala. Orotara, baina, bikote guztiek 5 partida jokatu behar izan dituzte: ostiral eta larunbatean bina eta igandean bat. Hala, 9:30etatik 21:30era etenik gabe egon dira padel partidak Gardeako pistetan, kirolari eta zaleen artean giro polita izan da nagusi. Guztira, denen artean 90 padel partida osatu dituzte bi egun eta erdian.
Final nagusia (hots, lehen mailakoa) Asier-Angi eta Andoni-Maite bikoteen artean jokatu dute gaur 13:00etan, eta jendetza batu da ikustera. Hala ere, antolatzaileek egunero pilatutako jarraitzaileen babes eta animoak goraipatu dituzte ere; partaideen lanetik harago.
Sailkapena
Ondorengoa izan da, Laudioko jaietako I. Padel Torneoko sailkapena:
- Asier-Angi
- Andoni-Maite
- Izaskun-Jonan
- Izar-Sergio
- Iraia-Carlos
- Rosa-Santiago
- Virginia-Oscar
- Koro-Mikel
- Sara-Kepa
- Eneko-Bego
- Pedro-Oihane
- Eukeni-Izaskun
- Patxa-Eider
- Juan Luis-Ana
- Isaac-Ainhoa
- Amaia-Iker
- Enci-Aitor
- Nerea-Jon
Antolatzaileek eskerrak eman dizkiete ekimenaren babesleei: Casa Resa, Dinalan, Padel Gorbeia, Peugeot Karealde, Isama, Laudioko Udala eta Aiaraldea Komunikabideari.
Argazkiak: Izar Mendiguren Cosgaya eta Ivan Perez