"Txikiak gara baina erraldoia liatuko dugu". Hala zioten sare sozialetan duela zenbait egun Sorginlarren taldeko kideek, eta aurkeztu dute jada Erraldoiketa ekimeneko egitaraua. Abuztuaren 26an, ostiralean, egingo dute topaketa "erraldoia", eta Euskal Herri osoko erraldoiekin koloreztatuko dituzte kaleak. Bi kalejira egingo dituzte horretarako: 18:00etan lehenbizikoa, eta 23:00etan bigarrena.
Gaueko kalejira izango da aurtengo Erraldoiketaren nobedadea. 23:00etan abiatuko da Lamuza parketik
Dena den, goizetik nabarituko da presentzia. Aurreratu dutenez, txosnagunean argazki erakusketa kokatuko dute lehen orduetatik, eta Baserritar eguneko azokan materiala salduko dute. Eguerdian, berriz, konpartsa kideentzat eta animatzen diren guztientzat herri bazkaria prestatuko dute; 16:30ean kalejiran abiatzeko. Arratsaldean, baina, herriko plaza hartuko dute 18:00etan "erraldoien dantzak" egiteko, eta kareta tailerra ere izango dute bertaratzen direnek.
23:00etan izango da gaueko kalejira, eta jarraian emango diote amaiera aurtengo ekimenari. Sorginlarren taldekoek azpimarratu dutenez, 6 talde batuko dira; horien artean Sorginlarrenen buruhandi tailerrean parte hartu zuten haurrak:
- KIETB erraldoiak
- Suzko Konpartsa
- Kale Danetan
- Arai Konpartsa
- Sorginlarren
- Haurren buruhandiak
Hemen ikusi daiteke egitarau guztia:
Duela hiru urte egin zuten azkenekoz topaketa, bigarren edizioa, 2019. urtean hain zuzen: