10:30etik aurrera pilota partidak eta haurren jolas parkeak bete du Lamuza parkea. Untzueta dantza taldeak, berriz, ohiko Sokaren kalejira egin du herrian barrena.
Berakatz Egunarekin heldu diote laudioarrek jaietako bigarren txanpari. Umeen jolas parkea, Herriarenak pilota elkartearen partidak eta Untzueta dantza taldearen kalejira izan dira goizeko protagonistak.
Ohiturei jarraituz, Nagusien egoitzan jarri du dantza taldeak hitzordua, eta adinekoekin dantzan eman dituzte lehen pausoak. Ondoren, astoa eta garrafa lagun, herrigunerantza abiatu dira.
13:00etan Batzalarrin kalera heldu dira. Arratsaldean, berriz, dantza-plazan jarraituko dute giroa berotzen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide