Atzoko gauak kolore bereziak utzi zituen Laudioko jaietan. Batetik, Matx taldeak kontzertu ederra eskaini zuen afalorduan txosnagunean. Malen Atxa laudioar gazteak osatutako taldeak, bere abesti propioak zein bertsio anitzak taularatu zituen. Banda gehitu dio gainera sortzaileak emanaldiari, eta lau gazteek ikuskizun dotorea eskaini zuten.
23:00etan, berriz, Despitados taldeak saltoka jarri zuen herriko plaza. Jarraitzaileek ez zuten hutsik egin, eta makina bat jende gerturatu zen enparantzara emanaldiaz gozatzera.
Bestalde, Izaskun del Cerro urduñarrak zumba saioa gidatu zuen txosnetan. Hala, herritar ugari animatu ziren berarekin oholtza gainean zein behean dantzatzera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide