Entzierroarekin hasi da Baserritar Eguneko martxa gaur goizean. 11:00etan eta 12:30ean herritar ugari animatu dira lasterketa egitera, baita zezen-plazan korrika aritzera ere. 12:00etan, aldiz, SOS Baserriak lemapean mobilizazioak hartu du protagonismoa, azokan postua jartzeko egun dauden eskakizunak gehiegizkoak direla salatzeko helburuz. Hala, ordu erdi luze ibili dira herriko enparantzan eta Aldai plazan "folklorismotik harago", baserritarren bizimodu eta lanbidea aldarrikatzen. 12:30ean, berriz, erakustaldia egin du Itxarkundia dantza taldeak. Hala, giro ederrean igaro dute Baserritar Eguneko goiza laudioarrek talo eta postu anitzen artean.
Postuek eta aldarriek bete dute plaza Laudioko jaietako Baserritar Egunean
Goizetik eguerdira luzatu da Baserritar eguneko azoka. 'SOS Baserriak' aldarria eta Itxarkundia dantza taldearen emanaldia izan dira nagusi, besteak beste.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide