Aldapeta bidetik zetorren auto batek kontrola galdu du eta Zumalakarregi eta Landaluze kaleen arteko bidegurutzean dagoen berdegunean geratu da, galtzadatik atera ostean. Hesi bat eta hormigoizko egitura batzuk hondatu ditu ibilgailuak.
Laudioko udaltzaingoak Aiaraldea Komunikabideari jakinarazi dionez, gidaria onik dago, eta ez da zauriturik egon.
Beste istripu bat Zumalakarregin
Beste istripu bat jazo da Zumalakarregi etorbidean, Arrañope tabernatik gertu, Aldapeta bideko istripua gertatu baino minutu batzuk lehenago. Hiru autok elkarren aurka jo dute, baina orduan ere ez da zauriturik egon, poliziak adierazi duenez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
