Aiaraldeko Euskalgintza Kontseiluak Gurasoleku egitasmoaren nondik norakoak aurkeztu ditu sarean. "0-5 urte bitarteko umeak dituzten familietan euskararen transmisioa bultzatzea xede du Gurasoleku programak. Iaz, Amurrion abiatutako ekimena Laudiora ere zabaldu dugu", adierazi dute webgunean.
AEK eta Berbalagun programarekin sortu zuten Aiaraldeko Euskalgintza Kontseilukoek proiektua, eta Amurrion jarri zuten iaz abian. "Laudioko Udal Euskaltegia batu da sustapenera aurten", nabarmendu dute. Hargatik, bilakaerarekin pozik agertu dira: "Poz handiz esan dezakegu Laudio eta Amurrioko eskola eta haurreskola guztiek parte hartzen dutela ekimenean". Orotara, beraz, 10 hezigunetako gurasoak ariko dira 2022/2023 ikasturtean proiektuan parte hartzen:
- Amaurre ikastetxea
- Aresketa ikastola
- Mendiko eskola
- Zabaleko ikastetxea
- Tantaka eta Tipitapa haurreskolak
- Aretako Fabian Legorburu eskola
- Latiorro ikastetxea
- Laudio Ikastola
- La Milagrosa ikastetxea
- Lamuza eskola
- Matxintxu haurreskola
Era berean, spota zabaldu dute ekimenaren berri emateko: