Lau kategoria eta 5 multzo egon dira Arabako Emakumezkoen Padel Torneoan. Guztira, 57 bikotek hartu zuten parte aurreko asteburuan jokatutako txapelketan eta, beraz, 100 emakume baino gehiago aritu dira elkarrekin jolasten eta lehiatzen. Horien artean egon dira zenbait aiaraldear ere.
Berez, 4 kategoriatan banatu dituzte kirolariak; baina bigarren mailan bi multzo egin zituzten jende andana medio. Aiaraldetik hiru bikotek eman zuten izena, eta horietako batek eskuratu du bigarren mailako lehen postua: Izaskun Azula eta Rosabela Fernandezek osatutakoak.
Alabaina, maila berean -Bigarren A multzoan- aritu dira Izar Mendiguren-Iraia Escandon eta Ohiane Gallego-Naiale Urkijo ere. Lehen partida galdu zuten arren, finalerdietara ailegatzea lortu zuten laurek, Mendiguren-Escandon bikoteak irabazi arren. Hemen ikusi daitezke txapelketako partida guztien emaitzak.
Arabako Padel Federazioak antolatu zuen ekimena, Arabako Foru Aldundiaren eta beste zenbait babesleren ekarpenari esker.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
