Goizetik gauera arte luzatu zen atzo giroa Latiorroko jaietan. Herri bazkariaren ostean, jende ugari gerturatu zen auzoan dagoen pump truck pistara. Salto ikusgarriak egin zituzten Andima Errasti raider amurrioarrak, Ian Ponciano skater bermeoarrak eta Aitor Gonzalez roller laudioarrak. Ondoren, gazte ugari animatu ziren aldapetan gora eta behera aritzera, bizikleta, patin edota patineteak lagun.
Iluntzean, aldiz, dantza erakustaldia eskaini zuten Untzueta dantza taldeko kideek, txosnagunean. Handik gutxira, txiki geratu zen karpa, ehunka lagun bertaratu baitziren musika kontzertuez gozatzera.
Lyrikan izan zen oholtzara igotzen lehena. Musikari laudioarrak bere auzoa hautatu zuen zuzenekoak ematen hasteko, hainbat urtez kontzerturik eman gabe egon ostean. Ondoren, Oxabi erromeria eta DJ Teso arduratu ziren jaia animatzeaz.
Gaur amaituko dira Latiorroko jaiak. Marmitako txapelketa izaten ari da jarduera nagusia, baina ez bakarra. Hemen ikusi daiteke egitarau osoa.
Argazkiak: Aitor Aspuru Saez eta Txabi Alvarado Bañares
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide