Agus Barandiaranek Biba Zuek telebista saioan gidatutako Kantujiran atalaren grabaketa berria egin zuen atzo goizean Faktorian. Espazioa ezagutzeaz gain, Paula Urquijo gaztearen dantza piezaz ere gozatu dute.
ETB1eko Biba Zuek telebista saioan azalduko da Faktoria datorren asteartean -urriak 4-, arratsaldeko 19:00etatik aurrera. Hain zuzen ere, Korrontzi taldeko Agus Barandiaranek gidatutako Kantujiran atalean egingo du agerpena espazioak.
Telebista saioko lantaldeak atzo egin zituen grabaketa lanak Faktorian bertan. Proiektua eta espazioa ezagutzeaz gain, Paula Urquijo gazte laudioarrarekin solasteko tartea ere izan zuten. Urquijok Faktorian egin zuen egonaldi artistikoa udan, dantza garaikideko pieza berri bat sortzeko lanetan. Pieza horren aurrerapen txiki bat ikusteko aukera egongo da astearteko saioan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide