Gaur egin dute lehen elkarretaratzea eta ostegunean egingo dute bigarrena. Azaroaren 3an, aldiz, 24 orduko lanuztea egingo dute, egoera bideratzen ez bada.
Elkarretaratzea egin dute gaur eguerdian Ferroko langileek, Aretako lantegiaren sarreran, 12:30etik 14:00etara. Mobilizazio zikloa abiatu dute horrela. Ostegunean berriz bilduko dira toki eta ordu berean. Azaroaren 3an, aldiz, greba egitea dute buruan, egoera bideratzen ez bada.
“Enpresaren inmobilismoa salatu eta lan baldintzak hobetzea” da mobilizazio zikloaren helburua, Enpresa Batzordearen arabera.
Langileen ordezkariek salatu dute uda baino lehen bidali ziotela zuzendaritzari langileen batzarrean adostutako lau puntuko dokumentua, negoziatu ahal izateko, baina oraindik ez dutela erantzunik jaso. Nabarmendu dutenez, enpresa “egoera ekonomiko onean” dago. Horregatik, negoziatzeko “borondate falta” leporatu diete Ferroko buruei.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
