Gaueko hirurak aldera, ezezagun batek estolda baten kutxatila hartu eta Laudioko Xcaret ilepaindegiko erakusleihoaren kontra bota du. Horrela, kristala apurtu du eta barruan sartu da, kutxan zegoen dirua eta zenbait tablet eramateko.
Hasieran, Laudioko Udaltzaingoa bertaratu da eta gero Ertzaintzak hartu du kasuaren ardura. Hain zuzen, ikuskapen taldea egon da ileapaindegian.
Aiaraldea Komunikabidea establezimenduko langile batekin mintzatu da eta berak adierazi dio egileak odol tanta batzuk utzi dituela, kristal apurtu batean. Kalteei buruz, beharginak aipatu du erakusleihoa ez ezik, desorden handia ere eragin duela barruan eta lurrera iltzatuta zegoen altzari bat bere tokitik atera duela.
Horrez gain, negozioaren arduradunek egun osoa igaro dute barruan, geratu den zuloa estaliko duen zerbitzuaren zain.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
