Laudioar bat hil zen Palencian astelehenean, auto batek harrapatu ondoren

Aitor Aspuru Saez 2022ko azaroaren 2a
Deskargatu Info Ahotsak :

Larrialdi zerbitzuek esku hartu zuten istripuan. / 112 Castilla y Leon

70 urteko emakumezkoa eta berarekin zegoen beste lagun bat igandean harrapatu zituen auto batek Palencian.

Astelehenean zendu zen Palencian 70 urteko laudioarra. Auto batek harrapatu zuen aurreko egunean, 18:51k aldera, Castilla etorbideko zebrabide bat gurutzatzen ari zelarik, 112 zerbitzuak azaldu duenez.

Larrialdi zerbitzuek Rio Carrion ospitalera eraman zuten, baina astelehenean hil zen zaurien ondorioz. Bera ez zen izan biktima bakarra. Izan ere, 69 urteko beste emakume bat ere harrapatu zuen ibilgailuak. Ospitalean dago herritarra baina, komunikabideek azaldu dutenez, bere bizitza ez dago arriskuan, zauri larriak baditu ere.

Palenciako Udaltzaingoak droga eta alkohol testak egin zizkion gidariari, baina negatibo eman zuen proba bietan. Hala ere, zuhurtziagabekeriagatik sortutako lesioak eta arduragabekeriako homizidioagatik ikertuko dute.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide