Omnia talde independenteak prentsa oharra zabaldu du azaltzeko Alvaro Barrios izango dela berriro bere alkategaia. Erakundeak azaldu duenez, "adostasunez eta aho batez" hautatu zuten bere alderdikideek Barrios, Laudion zentratutako proiektua aurkeztu ostean.
Hain zuzen, zinegotziak honakoa adierazi du: "Omniak bakarrik, bere independentziari esker, defendatu dezake Laudio beste alderdiek Gasteizekin dituzten loturetatik, zeintzuek horrenbeste eragin duten gure herrian".
Omniaren ustez, Barriosek zinegotzi gisa pilatu duen esperientziarekin eta duen kudeaketa gaitasunarekin alkate izan daiteke eta herriak behar duen pizgarria izan. Hain zuzen, alderdi independenteak aldarrikatu du 12 urte beteko dituela Udalean eta eskarmentu gehien duen taldea dela.
Etorkizunera begira
Azkenik, Omniak iragarri du 2023ko hauteskundeen prestaketari ekingo diola: parte hartzerako prozesuak, programaren osaketa... Bide horretan, alderdiak espero du herritarren iradokizunak eta ideiak jasotzea, eta gogoratu du ideiak jasotzeko puntuak jarriko dituela kalean.