Ohorezko accesita jaso du APILLek, Laudioko Merkatari eta Industria Txikien Elkarteak, 2022ko Barne Merkataritzako Sari Nazionaletan, Merkataritza Gune Irekien Sari Nazionalaren kategorian. Ekitaldia azaroaren 10ean izan da Zumarragan eta ‘Gasteiz-on’ elkartea izan da aipatutako kategoriako lehen irabazlea.
“Laudioko merkataritzaren, ostalaritzaren eta zerbitzuen batasunak osatzen du gure gure Merkataritza-Gune Irekia, hiri-eremuaren kudeaketarekin batera. Tokikoaren aldeko apustua funtsezkoa da edozein herritako merkataritza-, zerbitzu- eta aisialdi-sarearen biziraupenerako”, adierazi du Laudioko merkataritza elkarteak komunikatu batean.
Horrez gain, merkataritzaren eta aisialdiaren arteko elkarlana eta elkar beharra nabarmendu dituzte: “Merkataritzaren eta aisialdiaren arteko mixa ez duen herria hutsik eta bizitzarik gabe geratzen da”.
APILLen esanetan, 45 urte baino gehiago daramatza Laudioko elkarteak lanean, “hiri-ekonomiaren indarguneak indartzeko eta ahuleziak minimizatzeko” eta, horretarako, periferiako merkataritza-gune handien (CC Cerrados) eta online merkataritza-guneen indarguneak izan dituzte errefente, hala nola hurbiltasuna, kalitatea eta tratu-berotasuna.
Komunikatuan aipatu bezala, hainbat ekintza sustatu ditu APILLek Laudioko merkataritzan azken urteotan, estatu mailako aintzatespena lortu dutenak:
- Marka bat eta merkataritza-seinaleztapeneko plan bat garatzea, udalerriko merkataritzren ikusgarritasuna eta irisgarritasuna hobetzeko.
- Dinamizazio-kanpainen tokiko ekonomia bidez aktibatzeko plana.
- ‘Laudio Txartela’ izeneko fidelizazio-txartela.
- ‘Marketplace’ gunea.
- Laudio Berrikusi app-aren sustapena, Laudioko Udalarekin lankidetzan eta Eusko Jaurlaritzaren esperientzia pilotua izanik.
- Udalerriko hirigintza komertzialaren garapenean parte hartzea, kaleak atseginagoak eta irisgarriagoak izan daitezen.