Hiru pilotari bikote lehiatuko dira larunbatean Aretako frontoian, Laudioko Udalak antolatutako ekimenean. Afizionatuak lehenengo, Zabala-Gaskue eta Exposito-O.Etxebarria bikoteak ondoren eta azkenik Irribarria-Rezusta eta Elordi-Martija.
Larunbat honetan, azaroaren 19an, pilotari afizionatuak eta profesionalak arituko dira Aretako frontoian. Lehendabizi afizionatuen txanda izango da, Mata-Eskuza eta De la Fuente-Loza bikoteen norgehiagokarekin. Zabala-Gaskue eta Exposito-O.Etxebarria bikoteak lehiatuko dira ondoren, profesionaletan. Azken partida, Irribarria-Rezusta eta Elordi-Martija bikoteek jokatuko dutena, ETB1ek emango du zuzenean.
16:15ean hasiko dira partidak eta sarrerak takillan bertan eskuratu ahalko dira 15:30etik aurrera. Aurrez ere eros daitezke, www.entradasfronton.com helbidean.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
