Arnaldo Otegik solasaldia eskainiko du Laudioko Kasinoan

Arnaldo Otegi Amurrion egindako agerraldi batean. / Aiaraldea.eus

Abante! prozesuaren barruan egingo du mintzaldia eta pil-pilean dauden gaiak jorratuko ditu.

Arnaldo Otegi EH Bildu koalizioaren koordinatzaile nagusiak hizketaldia eskainiko du bihar Laudioko Lamuza Parkeko Kasinoan, 18:30ean. Abante! prozesuaren barruan egiten ari da EH Bildu horrelako agerraldiak Euskal Herri osoan, eta Araban egiten den bigarrena izango da Laudiokoa. Aurrekoa Gasteizen egin zuten.

Berez, Otegik aktualitateko gaiak jorratuko ditu, egoera politiko orokorrari lotutakoak. Besteak beste, Ukrainako gerra, herri itunak edo aurrekontuak izango dira aipatuko direnak. Ekitaldia ez da irekita egongo hedabideentzat, baina herritarren parte hartzea ahalbidetuko du eta publikoak galderak egiteko aukera izango du. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide