34 milioi euroko inbertsioa egin du Vidralak Erresuma Batuan azpiegitura berria erosteko

Aimar Gutierrez Bidarte 2022ko abenduaren 1a
Deskargatu Info Ahotsak :

Carlos Delclaux (ezkerretik hasita bigarrena) Laudioko lantegiaren aurrean, Iñigo Urkullu eta Arantza Tapiarekin. / Jose A. Del Moral

Botilaratzeko lantegi berria izango du aurrerantzean Vidralak Erresuma Batuko Bristol hirian. Carlos Delclauxen enpresak 34 milioi euroko inbertsioa egin du azpiegitura berria eskuratzeko.

Vidralak Erresuma Batuko merkatua ustiatzen jarraitzen du. Laudioko konpainiak botilarazteko fabrika berria erosi du Bristol hiritik gertu, The Park izena duen industriagune batean. Carlos Delclauxen enpresak 34 milioi euro baino gehiago ordaindu ditu azpiegitura berriaren truke. 

Vidralak zabaldutakoaren arabera, fabrika berriak ez du CO2 isuririk eragingo, eta behar energetikoen %100 asetzeko aukera ematen dion zentral eoliko propioa dauka 2019tik.

Beirazko botilak betetzeko azpiegitura ez ezik, negozio lerro oso bat eskuratu du Vidralak Erresuma Batuko hegoaldean. Izan ere, munduko ardo ekoizle handienetako bat den Accolade etxearekin tratua itxi berri du. Aloccadek Bristoleko fabrikan bertan ekoiztutako botiletan botilaratuko ditu bere ardoak aurrerantzean, eta filial berriaren gaitasun logistikoa baliatuko dute botila horiek Erresuma Batutik banatzeko.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide