Renfe eta Adif enpresen tren zerbitzua eten da Aiaraldean. Gaur 16:00ak baino lehen tren bat -Urduñako norabidean- gelditu da Aretako geltokian eta ez dio bere ibilbideari berriro ekin. Barruan zegoen bidaiari batek azaldu dio Aiaraldea Komunikabideari hamar minutu egon direla informaziorik jaso gabe eta bat-batean, gidariak jakinarazi duela bidaia eteten zela, "Adif enpresaren gertakari baten ondorioz".
Enpresako langileek adierazi diote Aiaraldea Komunikabideari komunikazioak bertan behera geratu direla C-3 osoan.
Enpresak ez du informazio gehiagorik eman eta bidaiariek unitatea utzi dute. Ez Renfek ez Adifek ez dute datu gehigarririk argitaratu euren sare sozialetan, non horrelako informazio zabaltzen duten. Edonola ere, bi orduz ez da tren zerbitzurik egon.
18:00etan tren zerbitzua 10-15 minutu inguruko atzerapenekin ari zen funtzionatzen C-3 linean eta gero bere onera itzuli da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
