Gaur goizean Kokoriko Hezkuntza Faktoriak eta Kirikino Aisialdi Taldeak jostailuak trukatzeko parada emango dute Faktorian. Ekimena Neguko Truke Azokaren edizio berria da -iaz ere egin zen- eta bere helburua, besteak beste, kontsumo ohiturak aldatzea da, erabiltzen ez diren jostailuei beste bizitza bat eskaintzeko eta beste batzuk, ordea, berrerabiltzeko.
"Dibertimendu jasangarriagoa bultzatu" nahi dute horrela, "kontsumismoa eta xahuketa alde batera utzita", azaldu du Aritz Lili Kokorikoko kideak.
Printzipioz, trukeen sistema erraza izango da, ematen den jostailu bakoitzagatik txartela jasoko dute umeek eta horiek baliatu ahal izango dituzte beste jostailu bat eskuratzeko.
Edonola ere, azoka aitzakia izango da familiek goiza elkarrekin igarotzeko. Horrela, 10:30etik 11:00ak arte jostailuak jasoko dituzte (aurretik hori egiteko tartea ere egon da), 11:30etik 13:00ak bitartean trukeari ekingo diote eta 12:00etan hamaiketakoa egongo da. Gainera, Mirikik ipuinak kontatuko ditu 12:30ean.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
